Tsihini iten Dios

39 Kaín ti nkexro tsjochronoéxin It'éni Díos ihni̱é Ìnchéni, la tsaá sin.  ¿Ndá nkexrín chrokjuanchehe sin Díos, ti na̱xa̱ kuítekakonhña sin? ¿La ko nkexrín chrokuitekaon sin Díos ti na̱xa̱ kienhña sin ti itan? la ko ¿Nkexrín chrokuihin sin ti kohya nkexro tsochrónka ti itén Díos?   la   ¿Nkexrín chróchronka ijnko chojni ti itan ti kohya ijnko nkexro tsochrꞌán ti jehe sin sátsji sin? Éxi ndáchro xroon itén Díos: “Náxrjón ti ó itji ti sin chronka ti itan jína kuènté Díos.” Kjánchó kaínhña chojni titekaon sin ti itan tsaáxin sin. Éxi ndáchro Isaías: “Ìnchéni, ¿xá nkexro kuitekaon ti itan xrichronkani?”
Méxra̱ ticháxi̱n tsihin sin, ndá tsitekaon sin, la ti itan tsihin sin mé itén Cristo.    A̱ndá janhan tjánchánkia: ¿Á kienhña sin ti itén Díos ní? Kjá ó kuíhin sin. Ndáchro xroon itén Díos:  Ti nkehe kjuako sin la nkuíxín kuíhin chojni,  la ko ti nkehe chrónka sin la ó kjuíjixraká kuenté chjasintajni.

Romanos 10:13-18

Nchek'átsínkehé sin